The Four Feathers (cinta de 1939)

Iste articlo ye sobre una cinta de cine britanico de cine d'aventuras de l'anyo 1939; ta atros usos, se veiga The Four Feathers (desambigación) y The Four Feathers (cinta).

The Four Feathers
Títol	The Four Feathers
Póster d'a cinta.
Ficha tecnica
Dirección	Zoltan Korda
Producción	Alexander Korda
Guión adaptau	R. C. Sherriff Lajos Bíró Arthur Wimperis
Basau en	The Four Feathers, novela de 1902 d'A.E.W. Mason
Musica	Miklós Rózsa
Fotografía	Georges Perinal
Montache	Henry Cornelius
Escenografía	Vincent Korda
Actors	John Clements Ralph Richardson C. Aubrey Smith June Duprez Allan Jeayes Jack Allen Donald Gray Frederick Culley Clive Baxter Robert Rendel Archibald Batty Derek Elphinstone Hal Walters Norman Pierce Henry Oscar John Laurie
Color	Technicolor
Datos y cifras
País(es)	Reino Uniu
Anyo	1939
Debantadera	18 d'abril de 1939 Londres (Reino Uniu)[1] 4 de setiembre de 1939 Reino Uniu[1]
Chenero(s)	Cine d'aventuras Cine de drama Cine belico
Durada	129 min.
Idioma(s)	Anglés arabe
Companyías
Productora(s)	London Films
Distribución	United Artists
Estudio(s)	Denham Studios
Presupuesto	1 millón de dólars
Informacions en bases de datos especializadas:

The Four Feathers (títol orichinal en anglés, en aragonés As cuatre plumas, enguerada en Aragón con o suyo títol traduciu enta lo castellano como Las cuatro plumas) ye una cinta de cine britanico de l'anyo 1939 de cine d'aventuras dramatico-belicas dirichida por Zoltan Korda seguntes un guión adaptau por R. C. Sherriff, Lajos Bíró y Arthur Wimperis (basau en The Four Feathers, una novela publicada en l'anyo 1902 por A.E.W. Mason y que ha conoixiu cuantas adaptacions cinematograficas), con una banda sonora orichinal de Miklós Rózsa, una dirección de fotografía de Georges Perinal y una producción cinematografica d'Alexander Korda ta la productora cinematografica London Films, y que conta con un elenco formau, en os suyos papsls principals, por os actors John Clements, Ralph Richardson, C. Aubrey Smith, June Duprez, Allan Jeayes, Jack Allen, Donald Gray, Frederick Culley, Clive Baxter, Robert Rendel, Archibald Batty, Derek Elphinstone, Hal Walters, Norman Pierce, Henry Oscar y John Laurie.

Mientres a era Victoriana, un choven de buena familia britanica se veye obligau por a tradición militar a dentrar como oficial en as filas de l'exercito britanico, ta no contrariar a su pai. Anyos dimpués, en 1895, lo rechimiento en o cual ye destinau ha de marchar enta lo Sudán ta machuquiar a las tropas rebels d'Abdallahi ibn Muhammad, dito lo califa al-Mahdi, que han conquiesto Khartum en redotar a las tropas echipcias mandadas por o cheneral Gordon mientres a Guerra Mahdista. A la vegada, en haber muerto ya su pai, o choven Harry Faversham decide albandonar as filas de l'exercito, la cual cosa los suyos companyers interpretan como un acto de cobardía y li ninvían tres plumas blancas, simbolo de cobardura. Amás, la novia de Harry tamién li amuestra que creye que ye un cobarde y Harry decie marcar en o Sudán ta, disfrazau, prebar de demostrar que no ye pas un cobarde.

Asinas, a cinta s'ambienta en Londres en 1895 y en Echipto y Sudán en 1898 mientres a guerra Mahdista y las suyas escenas se filmoron en escenarios naturals en iste zaguer país amás d'en os Denham Studios en Denham (Buckinghamshire, Reino Uniu).^[2] Se tracta d'una cinta que recibió bels premios y nomiacions, y que amás ye la versión cinematografica mas conoixida d'entre las cuantas adaptacions cinematograficas d'a novela d'A.E.W. Mason.

1. ↑ ^{1,0 1,1} (en) Enguero de The Four Feathers en Internet Movie Database.
2. ↑ (en) Localizacions de The Four Feathers en Internet Movie Database.